XIii EncOntro
Entre os días 29 de xuño e 2 de xullo de 2017 celebrouse en Combarro-Poio a décimo terceira edición do Encontro de Embarcacións Tradicionais de Galicia.
A esta cita acudiron máis de 150 embarcacións tradicionais de diferentes partes da Península, desde Euskal Herria até Portugal. Centos de tripualntes e miles de visitantes que converteron Combarro no seu porto base durante catro días.
Arredor de 100.000 persoas achegáronse a Combarro para gozar dunha completa programación. Exposicións, obradoiros, recitais, presentacións de publicacións, andainas, actividades infantís e concertos serviron de complemento, en terra, á actividade que se desenvolveu no mar.
Nos espazos portuarios e nas prazas públicas da vila desenvolvéronse diversas actividades culturais e de lecer dirixidas aos propios participantes e, sobre todo, á veciñanza e aos milleiros de visitantes.
GALERÍA DE IMAXES
Resumo en fotografías do XIII Encontro
Durante 4 días, Combarro (Poio) acolleu este evento para mostrar a riqueza e patrimonio do noso mar.
Grazas a todas as persoas e institucións que participaron, ao equipo que conformou o Comité Organizador, ao patrocinio das distintas institucións públicas, así como á colaboración de diversas entidades e colectivos locais, fíxose posible un ano máis o maior evento a favor da protección e promoción da cultura e do patrimonio mariñeiro de Galicia.
O XIV Encontro da Guarda estivo organizado de forma conxunta por Culturmar, o Clube Mariño A Reiboa e polo Concello de Poio.
Ademais, contou co patrocinio da Deputación de Pontevedra e da Xunta de Galicia, a través das consellerías de Mar, Medio Ambiente e Cultura e Turismo.
Agradecementos en especial a todos patróns e patroas, tripulantes, equipo de voluntariado, mariñeir@s, artesáns, conferenciantes e resto de participantes no XIII Encontro de Embarcacións Tradicionais de Galicia